லேபிள்கள்

ஞாயிறு, 29 டிசம்பர், 2024

மஞ்சள் கலந்தபாலைக் குடிப்பதால் கிடைக்கும் ஆரோக்கிய நன்மைகள்.

வெறும் பாலைக் குடிக்காதே.

அதுல ஒரு துளி மஞ்சள் பொடி கலந்து குடி' என்பார்கள் நம் வீட்டுப் பாட்டிகள். ஜலதோஷம் பிடித்தால், தொண்டை வறண்டால், வறட்டு இருமல் வந்தால் மட்டுமே நாம் மஞ்சள் தூள் பால் அருந்துவோம். சச்சின் டெண்டுல்கர் தினமும் இரவில் உறங்கச் செல்வதற்கு முன்னர் மஞ்சள் தூள் கலந்த பாலைத் தான் குடிப்பாராம். உண்மையில், நமது முன்னோர்கள் சொல்லிச் சென்றதை சரியாகப் புரிந்து கொண்டு பின்பற்றாததுதான் இன்றைக்குப் பல நோய்களுக்குக் காரணம். அவற்றில் மஞ்சள் பால் ரகசியமும் ஒன்று. இது ஓர் ஆரோக்கிய அதிசயம். இதைக் குடிப்பதால் கிடைக்கும் மருத்துவப் பலன்கள் ஏராளம். அவை... .

மஞ்சள் கலந்த பாலில் நோய் எதிர்ப்புச் சக்தி அதிகமாக இருப்பதால், தோல், சிறுகுடல், குடல் மற்றும் மார்பகப் புற்றுநோய் வராமல் நம்மைப் பாதுகாக்கும். புற்றுநோய் செல்களை தடுக்கும்.

மஞ்சள் பாலில் சேர்க்கப்படும், ஏலக்காய், மிளகு, ஆகியவை செரி மானத்தை எளிதாக்குகிறது. உடலில் பித்த உற்பத்தியை அதிகரிப்பதன் மூலம் செரிமான கோளாறுகளை நீக்குகிறது. மஞ்சள் பாலில் சேர்க்கப்படும் இஞ்சி மற்றும் பிற பொருட்கள் உடலில் தேங்கியுள்ள கழிவுகளை அகற்றி குடல் இயக்கத்தைத் தூண்டுகிறது. மஞ்சளில் உள்ள ஆன்டி ஆக்சிடன்ட்கள் செரிமான அமைப்பை சீராக வைக்கும்.

இரத்தத்தை சுத்திகரிக்கிறது

இரவில் ஒரு கிளாஸ் சூடான பாலில் மஞ்சள் கலந்து குடிப்பது உடலில் இருந்து அனைத்து நச்சுகளையும் வெளியேற்றி இரத்தத்தை சுத்தப்படுத்தவும் நோய் எதிர்ப்பு சக்தியை வலுப்படுத்துவதற்கும் உதவுகிறது.

மூட்டு வலி குறையும்

மஞ்சளில் உள்ள குர்குமின் வீக்கம் மற்றும் மூட்டு வலியையும் எதிர்த்துப் போராட உதவுகிறது. கீல்வாதம் நோய்களால் பாதிக்கப்பட்டவர்களுக்கு மஞ்சள் பால் குடிப்பது பயன் தரும். பாலில் உள்ள கால்சியம் மற்றும் வைட்டமின் டி எலும்புகளை வலிமையாக்க உதவுகிறது. எனவே மஞ்சள் பால் எலும்பு வலியைக் குறைப்பதில் மட்டுமல்லாமல் எலும்புகளை ஆரோக்கியமாகவும் வைத்திருக்க உதவுகிறது.

நரம்பு மண்டலம்

மஞ்சள் பாலில் சேர்க்கப்படும் ஏலக்காய், மஞ்சள் ஆகியவை நரம்பு மண்டலத்தை அமைதிப்படுத்தி தூக்கமின்மை மற்றும் பதட்டத்தை குறைக்கின்றது.

நன்றாக தூங்க உதவுகிறது

படுக்கை நேரத்தில் மஞ்சள் பால் குடிப்பது தூக்கமின்மையால் போராடுபவர்களுக்கு நன்மை கிடைக்கும். தூக்கத்தைத் தூண்டும் அமினோ அமிலமான டிரிப்டோபான் பாலில் உள்ளது. மஞ்சளில் உள்ள குர்குமின் மன அழுத்தத்தை குறைத்து இரவு தூக்கத்தை எளிதாக்குகிறது. நீங்கள் படுக்கைக்குச் செல்வதற்கு முன்பு ஒரு கிளாஸ் சூடான மஞ்சள் பாலில் ஒரு சிட்டிகை மஞ்சள், ஒரு ஏலக்காய் தூள் கலந்து குடித்தால் தூக்கம் உங்கள் கண்களை தழுவும்.

மாதவிடாய் பிடிப்பை நீக்குகிறது

ஒவ்வொரு மாதமும் மாதவிடாய் பிடிப்பை அனுபவிக்கும் பெண்களுக்கு, மஞ்சள் பால் பயனளிக்கும், மஞ்சள் ஆண்டிஸ்பாஸ்மோடிக் பண்புகளை கொண்டுள்ளதால் இது மாதவிடாய் வலியையும் தீவிரத்தையும் குறைக்க உதவுகிறது. மாதவிடாய் தொடங்கும் சில நாட்களுக்கு முன்பு மஞ்சள் பாலை குடிக்கத் தொடங்க பரிந்துரைக்கப்படுகிறது.

மஞ்சள் பால் செய்வது எப்படி

ஒரு கப் பால் எடுத்து ஒரு கொதிக்க வைக்கவும். அதில் ஒரு சிட்டிகை மஞ்சள்தூள் மற்றும் சிறிது சர்க்கரை அல்லது பனைவெல்லம் சேர்க்கவும். நீங்கள் தூங்குவதற்கு சற்று முன்பு அதை சூடாகவோ குடிக்கவும். மஞ்சள் பாலில் ஒரு சிட்டிகை கருப்பு மிளகு தூள் சேர்ப்பது தொண்டை புண் மற்றும் தொற்றுநோய்களை தடுக்க உதவும்.



--

வியாழன், 26 டிசம்பர், 2024

பன்னீர் சாப்பிடுவதால் எடை கூடுமா? குறையுமா?

பொதுவாக பாலில் இருந்து தயாரிக்கப்படும் பன்னீரில் கால்சியமும், புரதச் சத்துக்களும் நிறைந்துள்ளது.

இதைத்தவிர இன்னும் ஏராளமான ஊட்டச்சத்துக்கள் உள்ளன.

பன்னீரில் கால்சியம், பொட்டாசியம், செலினியம், மெக்னீசியம், பாஸ்பரஸ், வைட்டமின் எ, வைட்டமின் டி என பல ஊட்டசத்துக்கள் நிறைந்துள்ளது.

இது பல நோய்களுக்கு அருமருந்தாகவும் திகழ்கின்றது. இதனை உடல் எடையை குறைக்க நினைப்பவர்கள் எடுத்து கொண்டால் இன்னும் நன்மையே தரும்.

அந்த வகையில் எடையைக் குறைக்க நினைப்பவர்கள் புரதத்தின் தேவைக்காக ஏன் பன்னீரை தேர்வு செய்ய வேண்டும் என்பதற்கான காரணங்களைத் தெரிந்து கொள்வோம்.

குறைந்த கார்போ அளவும் அதிக புரதமும் கொண்ட பன்னீர் கலோரி அளவில் மிக மிகக் குறைந்தது. 100 கிராம் பன்னீரில் வெறும் 70 கலோரிகள் மட்டுமே இருக்கின்றன. அதனால் எடை குறைக்க பன்னீர் சாப்பிடலாம். அதனால் தந்தூரி, தவா ஃபரை போன்று எடுத்துக் கொள்வது நல்லது.

குறைந்த கொழுப்புள்ள பாலில் இருந்து எடுக்கப்படும் பன்னீரை உணவில் சேர்த்துக் கொள்ளும்போது அதில் குறைந்த கொழுப்பும் அதிக புரதமும் கிடைக்கிறது.

பன்னீரில் இருந்தே குறைந்த அளவு கார்போ கிடைக்கும். 100 கிராம் பன்னீரில் 1.2 கிராம் அளவு கார்போ கிடைக்கிறது. எனவே இவற்றை எடுத்து கொள்ளலாம்.

பன்னீரில் உள்ள கொழுப்பு நல்ல கொழுப்பு வகையைச் சார்ந்தது. இது உடலில் தேங்கியிருக்கும் கெட்ட கொழுப்பை எரிக்கவும் உடலுக்குத் தேவையான ஆற்றலை உற்பத்தி செய்யவும் பயன்படுவதால் இயல்பாகவே எடை குறைய ஆரம்பிக்கும்.

நம்முடைய உடலுக்குத் தேவைப்படுகிற ஒட்டுமொத்த கால்சியம் அளவில் 8 சதவீதம். அதனால் பன்னீரை நிச்சயம் எடை குறைக்க நினைப்பவர்கள் உணவில் சேர்த்துக் கொள்ளலாம்.



--

திங்கள், 23 டிசம்பர், 2024

எந்தெந்த நேரத்தில் தண்ணீர் குடித்தால் நல்லது?

நீரின்றி அமையாது உலகு என்ற திருவள்ளுவரின் வார்த்தைகள் இந்த உலகுக்கு பொருந்துதோ இல்லையோ நமது உடலுக்கு நன்றாகவே பொருந்தக் கூடியது.

மனித உடலானது 70 சதவிகிதம் நீரை கொண்டுள்ளது என்பது நம் அனைவருக்கும் தெரியும். எப்படி கார்ப்ஸ், புரதம் மற்றும் கொழுப்பு ஆகியவை முக்கியமோ அதேபோல் நம் உடல் சுறுசுறுப்பாக இயங்க நீரும் முக்கியம் தான். ஒவ்வொரு நாளையும் நாம் தண்ணீர் பருகி தொடங்க வேண்டும் என மருத்துவ நிபுணர்கள் அறிவுறுத்துகின்றனர்.

உடலை ஆரோக்கியமாக வைத்துக்கொள்ளவும், உடல்நலக்குறைவை போக்கவும் தண்ணீர் நல்ல சிகிச்சை நிவாரணியாக உள்ளது. ஒவ்வொரு நாட்டினரும் அங்கு நிலவும் தட்பவெப்ப நிலைக்கு ஏற்ப மருத்துவ முறைகளை பின்பற்றுவார்கள். அந்த வகையில் நீரைக் கொண்டு ஜப்பானில் மருத்துவ சிகிச்சை முறையானது பின்பற்றப்படுகிறது. உண்மையில் ஜப்பானியர்கள் இவ்வளவு ஆரோக்கியமாகவும், சுறுசுறுப்பாகவும், பளபளப்பான சருமத்துடனும் காட்சியளிப்பதற்கு காரணம் இத்தகைய நீர் சிகிச்சையே ஆகும்.

உடல் வெப்பநிலையை சமப்படுத்துகிறது

உடல் தண்ணீரினால் ஆனது, உடலில் உள்ள வெப்பநிலையை இது பராமரிக்கிறது. காலையில் எழுந்தவுடன் வெறும் வயிற்றில் தண்ணீர் குடிப்பதால் உடலில் உள்ள நச்சுப் பொருட்கள் மிக எளிதாக நீங்கும், இரத்தம் சுத்தமாகும், மலச்சிக்கல் ஏற்படாது, காலையில் எழுந்தவுடன் வெறும் வயிற்றில் குறைந்தது இரண்டு கிளாஸ் முதல் மூன்று கிளாஸ் தண்ணீர் குடிக்க தொடங்குங்கள் சில வாரங்களுக்கு முறையாக அதனை பின்பற்றி பாருங்கள், அதன் பிறகு ஏற்படும் நன்மைகளை நீங்கள் உணர தொடங்குவீர்கள்.

ஆற்றலை அதிகரிக்கும்

உடல் சோர்வு உடலில் போதுமான அளவு தண்ணீர் இல்லாததால் ஏற்படலாம். போதுமான அளவு தண்ணீர் குடிப்பது சோர்வை குறைக்கவும் உடல் சிறப்பாக செயல்படவும் உதவுகிறது.

உடல் எடையை குறைக்க உதவும்

சில ஆய்வுகளின்படி, உணவுக்கு முன் இரண்டு கிளாஸ் தண்ணீர் குடிப்பவர்கள் வேகமாக உடல் எடை இழக்கிறார்கள் என்று கூறப்படுகிறது, இதற்கு உள்ள காரணம் தண்ணீர் உங்கள் வயிற்றை நிரப்புகிறது மற்றும் அதிகமாக சாப்பிடும் போக்கைக் குறைக்கிறது. இதனால் உடல் எடை குறைகிறது.

சிறுநீரக கற்கள்

சிறுநீரக கற்களை வெளியேற்றும் திறன் தண்ணீருக்கு உள்ளது. தண்ணீர் குடிப்பது சிறுநீரகத்தில் கற்கள் உருவாவதற்கு காரணமான அதிகப்படியான ரசாயனங்கள், தாதுக்கள் மற்றும் உப்புகளை தண்ணீர் நீர்த்துப்போகச் செய்கிறது, இதோடு சேர்த்து உடலில் உள்ள நச்சுக் கழிவுகளையும் சிறுநீர் வழியாக வெளியேற்றுகிறது.

சரியான செரிமானத்திற்கு

சரியான செரிமானம் ஆரோக்கியமான உடலை பராமரிக்க உதவுகிறது. அஜீரணம் ஏற்பட்டால் மலச்சிக்கல் அல்லது வயிற்றுப்போக்கு ஏற்படலாம். தினசரி 6-8 கிளாஸ் தண்ணீரை உட்கொள்ளுங்கள். இந்த நடைமுறை பயனுள்ள உணவு செரிமானத்திற்கு உதவும் மற்றும் ஒழுங்கற்ற குடல் இயக்கங்களையும் கட்டுப்படுத்தும்.

கீல்வாதத்திற்கு

போதுமான அளவு தண்ணீரை குடிக்க விட்டால் மூட்டுகளில் உள்ள வழவழப்பு தன்மை குறைந்து மூட்டுகளில் உராய்வு ஏற்படும். இதனால் மூட்டுகளில் வலி ஏற்படலாம். வழக்கமான நீர் உட்கொள்ளல் குறைவது முடக்கு வாதம் போன்ற மூட்டு பிரச்சினைக்கு வழிவகுக்கும். இவை ஏற்படாமல் தடுக்க தேவையான அளவு தண்ணீர் குடிக்க வேண்டும்.

ஒற்றை தலைவலி

ஒற்றைத் தலைவலி ஏற்படுவதற்கு போதுமான அளவு தண்ணீர் குடிக்காதது ஒரு காரணமாக இருக்கலாம். காலையில் வெறும் வயிற்றில் தண்ணீர் குடிக்க தொடங்குங்கள். இது உடலில் நீர் பற்றாக்குறை காரணமாக ஏற்படும் தலைவலி மற்றும் ஒற்றைத் தலைவலியைத் தடுக்கும்.

சருமம் பொலிவாக

முகப்பருக்கள் போன்ற சரும பிரச்சனைகளை தேவையான அளவு தண்ணீரை குடிப்பது மூலம் சிகிச்சையளிக்க முடியும். உங்கள் உடலில் தேவையான அளவு தண்ணீர் இருக்கும் பொழுது   அது உங்கள் சருமத்திற்கு ஈரப்பதத்தை அளிக்கும், இது ஆரம்பகால வயதான அறிகுறிகளான சுருக்கங்கள், நேர்த்தியான கோடுகள் மற்றும் சரும பிரச்சனைகளை தடுக்கும்.



--

வியாழன், 19 டிசம்பர், 2024

தலைவலி,வயிற்று வலி எனஅடிக்கடி வலி நிவாரணி மாத்திரைகளைசாப்பிடுவது சிறுநீரகத்தை பாதிக்குமா?

பீன்ஸ் போன்ற வடிவில் நம் உடலில் இருக்கும் சிறுநீரங்கள், ரத்தத்தில் கலந்திருக்கும் அசுத்தங்களை பிரித்தெடுக்கும் வேலைகளை செய்கின்றன.

நாளொன்றுக்கு சுமார் 400 முறைக்கும் மேல் இந்த வேலையை சிறுநீரகங்கள் செய்வதாக கண்டறியப்பட்டுள்ளது. இப்படிப்பட்ட முக்கிய வேலையை செய்யும் சிறுநீரகங்கள் அதிக ரத்த அழுத்தம், நீண்ட நாள் சர்க்கரை வியாதி உள்ளிட்ட காரணங்களால் செயலிழக்கும் அபாயம் ஏற்படுகிறது.

உலகம் முழுவதும் சுமார் 85 கோடி பேருக்கும் மேல் சிறுநீரக பாதிப்பால் அவதிப்படுவதாக கணக்கிடப்பட்டுள்ளது. நாம் போதுமான அளவு தண்ணீர் குடிக்காவிட்டால் டிஹைட்ரேஷன் எனப்படும் உடல் வறட்சி ஏற்படும். உடலுக்குத் தேவையான நீர் சத்து இல்லாமல் போகும் போது ஏற்படக்கூடியதே இந்த `டிஹைட்ரேஷன்'.

இருப்பினும் டிஹைட்ரேஷன் என்பது குடிநீரைப் பற்றியது மட்டுமல்ல, சிறுநீரகங்களின் சரியான செயல்பாடும், உடலின் ஹோமியோஸ்ட்டிக் சமநிலையை பராமரிப்பது உள்ளிட்டவையும் தான். சிறுநீரகங்களை முறையாக பராமரிப்பது எவ்வாறு என்று பார்க்கலாம்.

நீர் சத்து: சிறுநீரகங்கள் முறையாக செயல்பட உடலில் போதுமான அளவு நீர்சத்து இருப்பது அவசியம். நமது உடலில் நீர் சத்தை தக்க வைத்து கொள்ள நாளொன்றுக்கு குறைந்தது 10 முதல் 12 கிளாஸ் தண்ணீர் குடிக்க வேண்டும். தவிர தேவையான ஊட்டச்சத்து உடலுக்கு கிடைப்பதை உறுதிசெய்ய நீர் நிறைந்த பழங்களை அதிகம் சாப்பிட வேண்டும்.

டிஹைட்ரேஷன் சிறுநீரகத்தில் கல் உருவாகும் அபாயத்தை அதிகரிக்கிறது. ஏற்கனவே சிறுநீரக பிரச்சனையால் பாதிக்கப்பட்டுள்ள நோயாளிகள் சம்பந்தப்பட்ட மருத்துவரின் ஆலோசனையின் காலத்திற்கு ஏற்றவாறு உணவு முறையை பின்பற்ற வேண்டும். குறிப்பாக உணவில் சேர்க்கும் உப்பின் அளவை குறைத்து கொள்ள வேண்டும். உணவில் அளவுக்கு அதிகமாக சேர்க்கப்படும் உப்பு சிறுநீரக செயல்பாட்டை பாதித்து, ரத்த அழுத்தத்தை அதிகரிக்கிறது. சாசரியாக ஒரு நாளைக்கு 7 முதல் 10 கிராம் உப்பு எடுத்துக்கொள்கிறோம். இந்த அளவு 4 முதல் 5 கிராம் வரை குறைக்கப்பட வேண்டும் என்று மருத்துவர்கள் அறிவுறுத்துகின்றனர்.

குடிப்பழக்கம் மற்றும் புகைப்பழக்கமும் சிறுநீரகத்தை பாதிக்கும். சீரான உடல் எடையை பராமரிக்க வேண்டும் இல்லை என்றால் சிறுநீரகத்தின் ஆரோக்கியம் பாதிக்கப்படும். மூட்டு, முதுகு மற்றும் உடல் வலிக்கு அடிக்கடி எடுத்து கொள்ளும் வலி நிவாரணிகள் மற்றும் ஆன்டிபயாடிக் மருந்துகள் சிறுநீரகத்தை அதிகம் பாதிக்கும் தன்மை உடையவை. எனவே மருத்துவர்களின் அறிவுறுத்தல் இன்றி சுயமருத்துவம் என்ற பேரில் வலிநிவாரணிகளை அதிகம் சாப்பிடுவதை தவிர்க்க வேண்டும்.



--

திங்கள், 16 டிசம்பர், 2024

க்ரில் சிக்கன்பிரியரா? கருகிப் போனஎலும்பை சாப்பிட்டால் புற்று நோய் வரும் அபாயம்.

இன்று எல்லாரும் விரும்பி சாப்பிடும் ஒரு உணவுகளில் க்ரில் சிக்கனும் ஒன்றாகும்.

ரோட்டோர ஹோட்டல் கடைகளில் எங்கு பார்த்தாலும் இந்த க்ரில் மாமிச உணவுகள் தான் தொங்க விடப்பட்டு சுடச்சுட பரிமாறப் படுகிறது.

என்ன தான் இது சுவையைத்  தந்தாலும் இதில் பக்க விளைவுகளும் உண்டு.

பக்கவிளைவு:

க்ரில் வகை மாமிச உணவுகளை சாப்பிடுவதால் புற்று நோய் வருகிறது என்பது ஆய்வில் தெரிய வந்துள்ளது. பார்பிக்யூ போன்ற ரெஸ்டாரென்ட்களில் பயன் படுத்தப்படும் எண்ணெயில் PHA என்ற நச்சுப்  பொருள் உள்ளது.

இது சருமத்தின் வழியாக ஊடுருவி உடலுக்கு கேடு விளைக்க கூடியது என மருத்துவர்கள் தெரிவிக்கின்றனர்.

ஆட்டிறைச்சி, கோழி இறைச்சி, மாட்டிறைச்சி, பன்றிக்கறி, வான்கோழி என எந்த வகையான இறைச்சியை கிரில்லில் வைத்து சுடும் போதும், அதில் இருந்து வெளிப்படும் பாலிசைக்ளிக் அரோமெடிக் ஹைட்ரோகார்பன் மற்றும் ஹீடெரோசைக்ளிக் அமைன்ஸ் என்ற வேதிப்பொருளே புற்றுநோயை ஏற்படுத்தக் கூடியது.

இதனைத்  தடுக்க என்ன செய்யலாம்?

இந்த வேதிப்பொருள் வெளியேறுவதை தடுக்க கிரில் செய்யக்கூடிய இறைச்சி துண்டுகளுக்கு இடையே வெங்காயம், குடை மிளகாயை குத்தி சமைக்க வேண்டும். அப்படி செய்தால் பாலிசைக்ளிக் அரோமெடிக் ஹைட்ரோகார்பன் மற்றும் ஹீடெரோசைக்ளிக் அமைன்ஸ் சுரக்காது என ஆய்வாளர்கள் தெரிவிக்கின்றனர்.

முக்கியகுறிப்பு

க்ரில் சிக்கனில் உள்ள கருகிப் போன எலும்பை சாப்பிடக் கூடாது. இதையெல்லாம் பின்பற்றினால் பாதுகாப்பாக கிரில் உணவை சுவைக்கலாம்.



--

வெள்ளி, 13 டிசம்பர், 2024

மைக்ரோவேவ் ஓவனில்சமைக்கக் கூடாத உணவுகள்.

மைக்ரோவேவில் நீங்கள் சிக்கன் அல்லது சிக்கன் சேர்த்து செய்யப்படும் எந்த உணவுப் பொருட்களையும் சூடு செய்யக் கூடாது.

சில ஆண்டுகளுக்கு முன்பு வரை மிகவும் ஆச்சரியமாக பார்க்கப்பட்ட மைக்ரோவேவ், இன்று கிட்டத்தட்ட பெரும்பாலான வீடுகளில் இருப்பதைக் காணமுடிகிறது. மைக்ரோவேவ் சமையலை எளிதாக்குகிறது மற்றும் துரிதப்படுத்துகிறது.

மேலும் சமைப்பதற்கு மட்டுமின்றி உணவை சூடுபடுத்தவும் மைக்ரோவேவ் ஓவன் பலர் வீட்டில் பயன்படுத்தப்படுகிறது. சில குறிப்பிட்ட உணவு வகைகளை மைக்ரோவேவில் தான் செய்ய முடியும்.

ஆனால் எல்லா உணவுகளையும் மைக்ரோவேவ் ஓவனில் செய்து பார்க்கும் பழக்கம் பலருக்கும் உள்ளது. ஒரு சில உணவுகளை மைக்ரோவேவ் ஓவனில் எப்போதும் செய்யக்கூடாது. அந்த உணவு வகைகளின் பட்டியல் இங்கே.

சிக்கன் : மைக்ரோவேவில் நீங்கள் சிக்கன் அல்லது சிக்கன் சேர்த்து செய்யப்படும் எந்த உணவுப் பொருட்களையும் சூடு செய்யக் கூடாது. அப்படி செய்தால் அதில் இருக்கும் புரதச்சத்து குறைந்து விடும். அது மட்டுமின்றி, சுவையும் குறையும். இதனால் தான் எப்பொழுதுமே சிக்கனை சூடு படுத்த மைக்ரோவேவவைப் பயன்படுத்தக் கூடாது என்று பலரும் கூறுகிறார்கள்.

முட்டைகள் : ஒரு சில நிமிடங்களில் பல இனிப்பு வகைகளை மைக்ரோவேவ் அவனில் செய்துவிடலாம். கடினமான உணவுகளையே சமைக்கிரோமே, முட்டைகளை சமைக்க முடியாதா என்று பலரும் அவசரத்தில் முட்டையை மைக்ரோ ஓவனில் வேக வைப்பார்கள். ஆனால் மைக்ரோவேவ் ஓவனின் இன்ப்ரா ரெட் கதிர்களின் அடிப்படையில் செயல்படுவதால், முட்டையில் இருக்கும் முக்கியமான ஊட்டச்சத்துக்களை இழந்துவிடும் எனவே முட்டையை எப்போதுமே மைக்ரோவேவ் ஓவனில் வேக வைக்கக்கூடாது.

எண்ணெயை சூடு செய்வது : முட்டையைப் போலவே மைக்ரோவேவில் எண்ணையை எப்போதுமே சூடு படுத்த கூடாது. அனைத்து எண்ணெய் வகைகளுக்கும் இது பொருந்தும். எண்ணையை ஓவனில் சூடாக்கும் பொழுது அதில் இருக்கும் நல்ல கொழுப்பு நீங்கிவிடுகிறது. அதேபோல அதில் இருக்கும் வெப்ப கதிர்கள் கெட்ட கொழுப்பினை உருவாக்கி, நச்சுத்தன்மை நிறைந்ததாக வெளிப்படுத்துகிறது. எனவே நீங்கள் பயன்படுத்தும் எண்ணெய் நச்சுத் தன்மை நிறைந்ததாக மாறும்.

காளான்கள் : ஓவன் பயன்படுத்தும் பொழுது ஒரு சில குறிப்பிட்ட உணவுகள் அதன் சத்துக்களை இழக்கும் என்பது ஒரு சிலர் மட்டுமே அறிந்தது. அந்தப் பட்டியலில் காளானும் உள்ளது. எப்போதுமே மைக்ரோவேவ் ஓவனில் காளானை சமைக்கக் கூடாது. அது உணவை நஞ்சாக்கும்.

அரிசி : அரிசி சாதம் செய்வது ஒரு கலை. சாதம் உதிர் உதிராக, குழையாமல் அதே சமயத்தில் பதமாக வெந்திருக்க வேண்டும். பல உணவு வகைகளை எளிதாக ஓவனில் சமைப்பது போல அரிசியையும் சிலர் செய்கிறார்கள். ஆனால் அரிசியை ஓவனில் சமைத்தால் ஃபுட் பாய்சன் ஏற்படும் ஆபத்து உள்ளது. அரிசி நச்சுத்தன்மை கொண்டதாக மாறிவிடும்.



--

திங்கள், 9 டிசம்பர், 2024

ஆண் பெண் வேறுபட்டசிந்தனைக்கு இது தான் உண்மையான காரணமா?

ஆண்களும் - பெண்களும் உடலளவில் வேறுபட்டவர்கள் என்று பலரும் நினைத்து வருகின்றனர். மேலும், மனம், மூளை போன்றவை அனைவர்க்கும் பொதுவானது என்ற எண்ணம் இருக்கிறது.

ஆனால், இருவருக்கும் உடல் மட்டுமல்லாது மூளையும் வேறுபடுகிறது.

இவ்வாறு இருபாலருக்கும் மூளை வித்தியாசப்படும் காரணத்தால், இருவரும் தங்களை முழுமையாக புரிந்துகொள்ள இயலாமல் தடுமாறுகின்றனர். ஆண்களின் மூளையும், பெண்களின் மூளையும் வெவ்வேறு கோணங்களில் செயலாற்றுகிறது என்பதே உளவியல் கூற்று.

பெண்களின் மூளை அமைப்பானது 3 மையத்தை கொண்டுள்ளது. முதல் மானியம் உணர்ச்சியை உணரவும், இரண்டாவது மொழிவளத்திற்கும், வார்த்தை மற்றும் உரையாடலை ரசிக்கவும், மூன்றாவது மையம் முகத்தின் சாயலை கொண்டு தனிநபரை எடைபோடவும் உதவி செய்கிறது.

ஆனால், ஆண்களிடமும் உள்ள மூளையின் 3 மையங்கள் வேறு கோணத்தில் செயல்படுகிறது. பெண்களை போல ஆண்களால் பேச இயலாது. தான் உணரும் விஷயத்தை பெண்ணைப்போல விவரித்து கூற இயலாது. எதிராளியின் முகத்தை பார்த்து மனதை அறியும் திறனும் குறைவு.

ஆண்களுக்கான மூளை அமைப்பு கண்களின் காட்சிகளுக்கு முக்கியத்துவம் தரும். அழகான பெண்களை விரும்புவதற்கு காரணமும் இதுதான். பெண்களின் மூளையில் இன்பம் என்பது கிடையாது. அதனால் கட்சிகளால் இன்பம் கிடைக்காமல், பேசினால் இன்பம் கிடைக்கிறது.

அதனாலேயே ஓயாது பேசிக்கொண்டு இருக்கும் ஆண்களை பெண்களுக்கு பிடிக்கிறது. இதற்கு ஆண்கள் அழகாக இருக்க வேண்டும் என்ற அவசியம் இல்லை.



--

வெள்ளி, 6 டிசம்பர், 2024

ஃபிரண்ட் லோடிங்வாஷிங் மெஷின், டாப் லோடிங் வாஷிங்மெஷின். இதில் எது சிறந்தது?

பொதுவாக நாம் வாஷிங் மெஷின் வாங்கும் போது நமக்கு ஏற்படுகின்ற மிக பெரிய குழப்பம் என்ன என்றால், ஃபிரண்ட் லோடிங் வாஷிங் மெஷின் வாங்குவதா அல்லது டாப் லோடிங் வாஷிங் மெஷின் வாங்குவதா என்பதே ஆகும்.

செயல்திறன் மற்றும் தனி விருப்பம் உள்ளிட்ட பல்வேறு காரணங்கள் இவற்றில் எதை தேர்வு செய்வது என்பது குறித்து தீர்மானிக்கின்றன. ஃபிரண்ட் லோடிங் வாஷிங் மெஷின் பெரும்பாலும் அதிகமான வசதிகளை கொண்டிருக்கும். இவற்றின் செயல்திறன் அதிகம், நீர் பயன்பாடு குறைவு. டாப் லோடிங் வாஷிங் மெஷின் என்பது துணிகளை போடவும், எடுக்கவும் சௌகரியமாக இருக்கும். அத்துடன் இதில் பராமரிப்பும் குறைவு. இந்த இரண்டு வகையான வாஷிங் மெஷின்களுக்கு இடையே உள்ள மிக முக்கியமான வித்தியாசங்களை நாம் பார்க்கலாம்.

சுத்தமாக சலவை செய்தல் : வாஷிங் மெஷினில் சுத்தமாக துணிகளை சலவை செய்வது என்பது தண்ணீரின் தன்மை, பயன்படுத்தும் சோப்புத் தூள், எத்தனை முறை சுற்றுகிறது என்பதை பொறுத்து மாறுபடும். டாப் லோடிங் மிஷின்களை காட்டிலும், ஃபிரண்ட் லோடிங் மெஷினில் துணிகளில் உள்ள அழுக்கு மற்றும் கறைகள் நன்றாக நீங்கும். ஃபிரண்ட் லோடிங் மெஷினில் உள்ள ட்ரம்களில் நல்ல சுத்தும் திறன் இருப்பதால் துணிகள் நன்றாக துவைக்கப்படும்.

வேகமாக சலவை செய்தல் : துணிகளை துவைக்கும் நேரம் முழுமைக்கும், டாப் லோடிங் மெஷின்களில் தண்ணீர் நிரம்பியிருக்கும் என்பதால் இதில் துணிகள் துவைக்கப்படும் வேக கொஞ்சம் அதிகம். ஃபிரண்ட் லோடிங் வாஷிங் மெஷினில் ஒருமுறை துணிகளை சுத்தம் செய்வதற்கு 60 நிமிடங்கள் தேவைப்படும். பெரும்பாலான மெஷின்கள் 30 நிமிட சலவை திறனுடன் வருகின்றது என்றாலும், அது லேசான துணிகளுக்கு மட்டுமே பொருந்தும்.

வேகமாக காய வைத்தல் : ஃபிரண்ட் லோடிங் வாஷிங் மெஷினில் இருந்து டிரையருக்கு துணிகள் மாற்றப்படுவதற்கு முன்பாகவே ஏராளமான தண்ணீரை பிழிந்து எடுத்துவிடும். மேலும், இந்த டிரையர்களில் துணிகள் வேகமாக காய்ந்து விடும். ஆனால், இந்த மெஷினில் வைப்ரேஷன் ஏற்படும் என்பதால் அதிக சத்தம் கேட்கும். ஆனால், டாப் லோடிங் வாஷிங் மெஷினில் துணிகளை காய வைக்க மிகுந்த நேரம் எடுக்கும்.

சௌகரியமான பயன்பாடு : டாப் லோடிங் வாஷிங் மெஷின்கள் பொதுவாக நுகர்வோரின் உயரத்துக்கு ஏற்ற பயன்பாட்டில் இருக்கும். ஆனால், ஃபிரண்ட் லோடிங் மிஷின்களை பயன்படுத்த நாம் குனிந்து சிரமப்பட வேண்டியிருக்கும்.

சத்தமின்றி இயக்கம் : ஃபிரண்ட் லோடிங் மற்றும் டாப் லோடிங் ஆகிய இரண்டு வகை வாஷிங் மெஷின்களிலும் வைப்ரேஷனை குறைக்கும் நவீன மாடல்கள் உள்ளன. பெட்ரூம் அல்லது லிவிங் ரூம் அருகே வைப்பதற்கு இவை உகந்தவை ஆகும். எனினும், டாப் லோடிங் மெஷினில் சலவை செய்யும்போது சத்தம் வரும்

பராமரிப்பு : டாப் லோடிங் மெஷின்களை காட்டிலும் ஃபிரண்ட் லோடிங் மெஷின்களை உடனுக்குடன் சுத்தம் செய்ய வேண்டும். ஆனால், டாப் லோடிங் மெஷின்களில் தண்ணீர் தாமாகவே கீழ் இறங்கி விடும் என்பதால், அதிக பராமரிப்பு தேவையில்லை.



--

செவ்வாய், 3 டிசம்பர், 2024

உடலில் ஏற்படும்சின்ன சின்ன நோய்களை தீரக்க கூடிய சில எளிய மருத்துவக்குறிப்புகளை இங்கேபார்ப்போம்

உணவுக்கு பின் தண்ணீரில் சிறிது கருப்பட்டியை கரைத்து குடிக்கவும். இதனால் வயிற்றில் அமிலம் சுரப்பது குறையும்.

துளசி இலைகள் போடப்பட்ட நீரை தினமும் குடித்து வந்தால் தொண்டைப்புண் ஏற்படாது.

1/4 தேக்கரண்டி கரு மிளகுத்தூள், 3 தேக்கரண்டி எலுமிச்சை சாறு, ஒரு கோப்பை நீரில் ஒரு தேக்கரண்டி தேன், இந்த கலவையை 3, 4 மாதங்களுக்கு தொடர்ந்து எடுத்துக் கொண்டு வந்தால் உடல் எடை குறையும்.

காலை உணவிற்கு முன் தினமும் ஒரு தக்காளி சாப்பிட்டு வரவேண்டும் ,3, 4 மாதங்களுக்கு இதைச்செய்தால் உடல் எடை குறையும்.

தினமும் காலையில் முழுதாக வளர்ந்த 10, 12 கருவேப்பிலைகளை சாப்பிட்டு வரவும் 3, 4 மாதங்களில் உடல் பருமனில் மிகுந்த மாற்றத்தை காணலாம்.

கடுமையான இருமல் இருந்தால் 3கப் தண்ணீருடன் வெற்றிலையையும், மிளகையும் போட்டு கொதிக்க வைத்து குடித்து வரவும்.

பல் வலி குறைய துளசி இலை 2, கொஞ்சம் உப்பு மற்றும் மிளகுத்தூள் ஆகியவற்றை வலி இருக்கும் இடத்தில் வைத்து அழுத்தி வரவும். வலி குறையும்.

சருமத்தில் உள்ள சிறு தழும்புகளைப் போக்க குளிக்கும் நீரில் துளசி இலைகளை போட்டு குளிக்கவும். விரைவில் தழும்புகள் மறையும்.

குழந்தைகளுக்கு ஏற்படும் காய்ச்சல் மற்றும், இருமலுக்கு நீருடன் தேனைக்கலந்து கொடுத்தால் விரைவில் இருமல் நிற்கும். காய்ச்சல் குறையும்.

வயிற்றுப் போக்கை உடனடியாக நிறுத்த கொய்யா இலைகளை மென்று தின்றால் போதுமானது.



--

இந்தத் தவறை மட்டும் செய்யாதீங்க… கண்களுக்கு மிகப்பெரிய ஆபத்து.. எச்சரிக்கும் விஞ்ஞானிகள்..

உங்கள் ஸ்மார்ட்போன்கள் மற்றும் மடிக்கணினிகளில் இருந்து வெளிவரும் நீல ஒளியானது ஆபத்தானதாக தோன்றாது , ஆனால் கண்களுக்கு தீங்கு விளைவிப்பத...

Popular Posts